Türkiyədə təhlükəli hava xəbərdarlığı: 45 vilayətdə sel və fırtına həyəcanı elan edildi
Türkiyədə təhlükəli hava şəraiti 45 - Türkiyədə əlverişsiz hava şəraiti ilə bağlı vəziyyət getdikcə ciddiləşir. Meteorologiya Baş İdarəsi və Ətraf Mühit, Şəhərsalma və İqlim Dəyişikliyi Nazirliyinin son məlumatlarına görə, ölkənin 45 vilayətində güclü yağış və fırtına təhlükəsi mövcuddur. Mütəxəssislər əhalini gözlənilən təbii fəlakətlərə qarşı son dərəcə diqqətli olmağa çağırıblar.
Nazir Murat Kurumun təqdim etdiyi hava proqnozu xəritəsinə əsasən, 10 vilayət üçün yüksək riskli olan "narıncı kod", 26 vilayət üçün isə "sarı kod" xəbərdarlığı tətbiq olunub. İstanbul başda olmaqla, bir çox böyük şəhərdə yağışların intensivliyinin artacağı və sel təhlükəsi yaradacağı gözlənilir.
Rəsmi qurumlar xüsusilə çay kənarlarında, çökək ərazilərdə və selə məruz qala biləcək bölgələrdə yaşayan vətəndaşlara ehtiyatlı olmaları barədə xəbərdarlıq edib. Fövqəladə hallar xidmətləri həmin bölgələrdə tam hazır vəziyyətə gətirilib və yarana biləcək fəsadların qarşısını almaq üçün zəruri tədbirlər görülür.
Meteoroloqlar yağışların qarşıdakı saatlarda daha da şiddətlənəcəyini bildirərək, sürücü və piyadaları ehtiyatlı olmağa dəvət ediblər. İctimaiyyətə verilən tövsiyələrdə rəsmi qurumların xəbərdarlıqlarının diqqətlə izlənilməsi və zəruri olmadığı təqdirdə evdən çıxmamaq məsləhət görülür.